KI i Degës së LDK-së në Ferizaj njofton sot për një numër të madh të qytetarëve shqiptarë të arrestuar dje dhe sot nga policia serbe dhe thekson se numri i të arrestuarve deri tash mund të ketë arritur deri në 40.

Dje rreth orës 16 policia arrestoi Jakup Krasniqin (60) nga Ferizaj i cili u mbajt në polici deri në orën 18.30. Po ashtu, u arrestua edhe kryetari i aktivit të LDK-së në Talinoc të Jerlive, Gani Xhemaili, si dhe aktivistët Islam Islami, Sherif Xhemaili dhe Ilaz Neziri. Ata u liruan nga policia, por aty iu ndalën letërnjoftimet me urdhër që të paraqiten sërish të hënën në polici.

Aksione të arrestimit të shqiptarëve policia serbe ka ndërmarrë edhe sot. Në orën 6.30 policia arrestoi në shtëpinë e tij Azem Bakollin (60), anëtar i Kryesisë së Nëndegës së LDK-së në qytet, i cili po mbahet ende në arrest.

Nga Ferizaj u njoftua se sot rreth orës 11 një konvoj i forcave policore serbe, i përbërë nga kamionë, pizgauerë dhe automjete të tjera të mbushura me policë serbë, shkoi në drejtim të Shtimes.

Ai theksoi se shpërthimet vrasëse dhe shkatërruese kanë për qëllim mbjelljen e frikës dhe panikut dhe përcjelljen e konfliktit në qytete të Kosovës.

Koincidimi i shpërthimeve në Kosovë me Konferencën paqësore për Kosovën në Rambuje nuk është i rastësishëm. Ardhmëria e Kosovës duhet të jetë liria e jo dhuna kundër popullit që kërkon drejtësi dhe qe demonstron vendosmëri për marrje të përgjegjësisë për fatin e Kosovës.