Mediatori kryesor, amabsadori amerikan Kris Hill, aktualisht ndodhet në Beograd për bisedime me kryetarin e "RFJ"-së Millosheviq dhe kjo është një nga arsyet pse situata në Rambuje i ngjan më shumë një pauze.

Intermediatori tjetër, i dërguari i BE-së, Volfgang Petriç, në një takim joformal me gazetarë u shpreh se "jemi afër, por nuk jam i sigurt se konferenca do të ketë rezultat pozitiv". Petriç nuk deshi të përgjigjej në pyetjen a do të ketë sulme ajrore, duke thënë se ai është vetëm mediator.

Ndërkohë, bëhet e ditur se Hashim Thaçi ka biseduar mbrëmë me zëdhënësin e Stejtdepartamentit amerikan, Xhejmz Rubin. Po kështu, thuhet se Thaçi ka dalë nga kështjella e Rambujesë dhe ka shkuar në takimin e paralajmëruar dje me z. Adem Demaçi.

Në Rambuje pasdite pritet të vijnë ministrat e jashtëm të Francës e Britanisë së Madhe, Yber Vedrin e Robin Kuk, ndërsa për natën vonë ose nesër është paralajmëruar edhe ardhja e sekretares amerikane të Shtetit, Medlin Ollbrajt.

Trupi i të vdekurit është dërguar në morgun e spitalit të Prizrenit.

Deri tash nuk ka të dhëna për identitetin e viktimës e as për rrethanat e vdekjes së tij.

Banorë të Grejkocit kanë thënë se i vdekuri nuk është nga fshati i tyre, ndërkohë që në vendin e ngjarjes kanë dalë pjesëtarë të Misionit Verifikues të OSBE-së dhe policia serbe.

I njëjti burim ka bërë të ditur se sot mbi Suharekë fluturoi ulët një helikopter i forcave serbe, i cili shkoi në drejtim të Prizrenit, ndërsa gjendja e përgjithshme në komunë është shumë e rëndë.

Subjektet politike dhe jopolitike të Suharekës u kanë bërë apel qytetarëve që të mos lëvizin pa pasur nevojë dhe të mos bien pre e provokimeve serbe.

Bëhet e ditur se forcat e policisë serbe kanë ndërhyrë edhe në shtëpi të tjera shqiptare.

I njëjti burim bën të ditut se deri tash në Pestovë janë arrestuar Nehat Osmani (35), Ruzhdi Ferizi (42), Hasan Selmani (19), Mumahet Selmani (15) dhe Mensur Ademi (30).

I njëjti burim bën të ditur se forcat serbe të pozicionuara në Kijevë, rreth një orë kanë shtënë me armë zjarri në drejtim të fshatit Bubavec.

I njëjti burim bën të ditur se më 17 shkurt të këtij viti në të njëjtën gjykatë serbe u nxor para trupit gjykues edhe Marash M. Merturi (1970) nga Ramoci i Gjakovës u lirua si i pafajshëm.

Njoftohet se policia serbe arrestoi Ramadan F. Miftarin (19) nga Vllahia dhe Blerim M. Haxhiun (19) nga Maxhera e Mitrovicës.

Njoftohet se nga rrjeti elektrik janë shkyçur fshatrat Koshtovë e Bobit, Koprivë, Broboniq, Lushtë, Pirç, Vërnicë, Vaganicë e Epërme, Zhabar i Epërm, Zhabar i Poshtëm, Vinarc i Epërm, Vinarc i Poshtëm, paralagjën e Shipol dhe lagjet "Tavnik", "Ura e Gjakut" dhe një pjesë e lagjes "Bair" në Mitrovicë.

Të njëjtit policë te Tyrbja e Muratit në Mazgit i legjitimuan edhe Xheladin Berishën dhe babain e tij. Në të njëjtin vend policia serbe rreth një orë ka legjitimuar edhe kalimtarë të tjerë shqiptarë.

Drejtuesit e liberalëve kosovar i njohën diplomatët e lartë të Zvicrës me aktivitetin e PLK-së dhe situatën dramatike e cila po mbretëron në Kosvoë.

Duke bërë fjalë për Konferencën në Rambuje, drejtuesit e PLK-së theksuan se ajo është në mision të krijimit të paqes në Ksoovë dhe një shans i mirë për zgjidhjen e drejtë të çështjes së Kosovës, duke përkujtuar se në marrëveshje duhet të përfshihet e drejta për referendum të popullit të Kosovës pas periudhës tranzitore trivjeçare.

Liberalët angazhohen që, nëse arrihet një marrëveshje e përkohshme, në Kosovë të organizohen zgjedhjet e lira të monituara nga OSBE dhe të krijohen institucionet demokratike si rezultat i votës së lirë të popullit të Kosovës, thanë drejtuesit e kësaj partie.

Duke bërë fjalë për UÇK-në, drejtuesit e PLK-së theksuan se qëndrimi ynë është i njohur, se nuk ka vend as shoqëri në botë e cila nuk i ka të organizuara forcat e mbrojtjes së rendit, qetësisë, familjes, pronës, individit dhe ligjit, prandaj në këtë rast nuk mund të jetë përjashtim vetëm Kosova.

Diplomatët e lartë të Ministrisë së Punëve të Jashtme dhe të Ministrisë së Mbrojtjes së Zvicrës theksuan se vizita e tyre e punes në Kosovë ka për qëllim marrjen e informatave nga dora e parë për zhvillimet në Kosovë dhe kjo dëshmon interesimin e Qeverisë zvicerane për zgjidhjen e drejtë të çështjes së Kosovës e cila është një problem serioz për të gjithë bashkësinë ndërkombëtare.

I pyetur në një konferencë shtypi se sa shpejt do të veprojë NATO-ja po qe se bisedimet dështojnë, Solana u përgjigj: "Do të veprojë ajo shumë shpejtë".

Ministri i Jashtëm i Rusisë, Igor Ivanov, theksoi pas bisedimeve se në qoftë se arrihet marrëveshja gjatë bisedimeve paqësore në Francë, Moska do të ofrojë forca për ta monitoruar atë. Mirëpo, ai theksoi se në qoftë se nuk arrihet asnjë marrëveshje, nuk bën të ndërmerret asgjë përderisa Grupi i Kontaktit të mblidhet sërish.

Prefekti, përfaqësuesi qeveritar në rajonin afër Parisit, tha dje se demonstratat mund të shkaktojnë probleme derisa po përfundojnë bisedimet ndërmjet serbëve, shqiptarëve dhe ndërmjetësuesve ndërkombëtarë.

Vesna Peshiq thotë se trupat e huaja do të vijnë në Kosovë, por regjimi serb atyre trupave do të provojë t'ua vërë maskat, duke manipuluar me emërtimin dhe përbërjen e tyre. Ajo thotë se regjimi i Millosheviqit nuk do të mund ta përjetojë disfatën katastrofale në Kosovë.

"Partia Radikale Serbe në asnjë variantë nuk do të pranojë që trupat e NATO-s, e as trupat e tjera ushtarake të huaja të vijnë në Kosovë", deklaroi Vojisllav Sheshel, nënkryetar i qeverisë serbe.

Shesheli thotë se partnerët e koalicionit në qeverinë e Serbisë "kanë një unitet të plotë" lidhur me këtë çështje. Ai tha se "popullit duhet t'i themi qartë se gjendemi në momentin vendimtar historik. Kosovën do ta mbrojmë me çdo kusht", duke shtuar se delegacioni serb në Rambuje nuk do të nënshkruajë asnjë marrëveshje e cila është në kundërshtim me konkluzionet e Kuvendit të Serbisë.

"Çdo ardhje e forcave ndërkombëtare do të ishte agresion ndaj vendit tonë dhe ne do të mbrohemi si nga çdo agresor", deklaroi në një konferencë për shtyp zëdhënësi i socialistëve serbë Ivica Daqiq. Ai tha se nuk ka arsye për kërcënime të bashkësisë ndërkombëtare me intervenim ushtarak.

Në këtë manifestim, një fjalë rasti për jetën dhe veprën e dr. Krasniqit e mbajti Rexhep Abdullahu, i cili theksoi në fillim se lajmi se më 12 shkurt ndërroi jetë dr. Rexhep Krasniqi, një nga nacionalistët të kulluar të kombit shqiptar, tronditi thellë shpirtërat e shqiptarëve.

Ai theksoi se Rexhep Krasniqi lindi në Gjakovë më 1906, ku kreu katër klasë të fillores, shkollën e mesme e mbaroi në Vjenë, ku kreu edhe studimet e larta dhe doktoroi shkencat e historisë.

Më 1941 kthehet në Kosovë dhe caktohet drejtor i gjimnazit shqiptar në Prishtinë. Më 1943 zgjedhet Ministër i Arsimit në Qeverinë e Mehdi Frashërit. Pas Luftës së Dytë Botërore detyrohet të largohet nga Atdheu së pari në Siri, pastaj në Austri. Me ftesën e Ministrisë së Jashtme Amerikane më 1956 shkon atje të marrë drejtimin e Komitetit Shqipëria e Lirë, shtoi Abdullahu.

Në vazhdim ai tha se "në historinë e re të shqiptarëve, nuk mund të gjindet personalitetet, as në fushën e kulturës, as në fushën e shkencës, apo letërsisë, si personaliteti i atdhetarit Rexhep Krasniqit, figura e të cilit është mohuar dhe atakuar për motive ideologjike e antikombëtare. Ka qenë kështu, sepse porosia e veprës së tij shkencore dhe kombëtare është konsideruar e rrezikshme për armiqtë e shqiptarëve për ideologjitë e huaja.

Porosia e veprës shkencore dhe kombëtare, dimensionesh e interesimesh të gjata, e Rexhep Krasniqit, ka qenë si një demonstratë masive kulturore, një revoltë aktive kombëtare, të cilën nuk kanë mundur ta ndalin e ta përdhosin, as gënjeshtrat më perfide të përgatitura në kuzhinat politike të komunistëve në Kosovë dhe atyre në Shqipëri.

Rexhep Krasniqi vazhdimisht punoi për realizimin e çështjes së çlirimit dhe bashkimit kombëtar. Ai gjatë jetës së tij ishte njeri i palodhshëm i shkencës por edhe i politikës, ai ishte njeri që çështjen kombëtare me argumente në bazë shkencore e ngriti në vend të duhur, sepse ishte njohës i mirë i kulturës, i historisë kombëtare. Në Amerikë shpesh u takua me politikaj dhe njerëz të kulturës.

Rexhep Krasniqi ishte njeri i idealeve të larta, vizioneve të mençura dhe punës së palodhshme. Mbi të gjitha ai ishte njeri që kishte për të huaj ideologjitë çfarëdo ngjyre qofshin ato që prore mbjellin mbrapshti në mendimin dhe kulturën tonë politike përgjithësisht, e të cilave edhe sot po ua shohim sherrin. Këtu qëndron baza mbi të cilën ngritet madhësita e figurës së Rexhep Krasniqit, mbi këtë të vërtetë është ngritur shpirti i tij i guximshëm, mbi këtë aspiratë është ndërtuar vepra e tij kuptimplote. Rexhep Krasniqi ka qenë dhe mbetet figurë ku janë të gërshetuara, pjekuria kombëtare dhe largëpamësia politike, puna shkencore dhe vizioni demokratik.

Porosia e idealit dhe veprës së tij të urtë e kuptimplote për liri, pavarësi dhe bashkim kombëtar, duhet të jetë libër i shenjtë në bagazhin e atyre që kanë marrë rrugë për të biseduar me serbët në Rambuje.