|
|
Pavarësia e Kosovës një nga temat e nxehta të samitit të Mynihut
Mynih, 8 shkurt - Sonte në Mynih të Gjermanisë i nis punimet Konferenca për Çështjet e Sigurisë me rreth 350 pjesëmarrës nga mbarë bota. Një nga temat kryesore do të jetë Afganistani, ndërsa pavarësia e pritshme e Kosovës një nga temat e nxehta, njoftohet nga Mynihu.
Edhe Ministri i Punëve të Jashtme të Shqipërisë Lulzim Basha do të marrë pjesë në takimin e Mynihut, ku siç njoftohet nga zyra e tij, do të takojë disa homologë me të cilët do të shkëmbejë mendime për procesin e anëtarësimit të Shqipërisë në NATO në prag të Samitit të Bukureshtit, çështjen e Kosovës dhe çështje të tjera me interes të ndërsjellë.
|
|
|
