|
|
Rupel: Serbët në Kosovën e pavarur nuk do të kenë probleme
Pragë, 28 mars - Shefi i diplomacisë sllovene Dimitrij Rupel ka thënë se bashkësia ndërkombëtare nuk mund t'i mohojë Kosovës të drejtat që i kanë pasur çekët dhe sllovenët.
Në një intervistë për shtypin çek, Rupel ka thënë se Kosova e ka kaluar rrugën e njëjtë si Sllovenia në ish-Jugosllavi apo si Çekia në Çekosllovaki.
"Kosova nëntë vjet e ka pritur këtë çast", ka thënë Rupel për të shtuar se nuk ishte e mundur që Kosova të mbetet nën Serbi.
"Serbët në vitin 1999 u përpoqën të okupojnë Kosovën, e sollën ushtrinë, pati vrasje masive, dëbime masive dhe eksod masiv", ka thënë Rupel.
Sipas shefit të diplomacisë sllovene, serbët në Kosovën e pavarur nuk kanë probleme me procesin e emancipimit kombëtar apo kulturor.
|
|
|
